Carlos Barrabés

Carlos Barrabés pasou os últimos doce anos dirixindo Barrabes Esquí Montaña, unha tenda especializada en material deportivo de montaña en Benasque (Huesca) e desde 1996 dedícase exclusivamente aos negocios en Internet.

Determinado a permanecer en Benasque, localidade pirenaica de apenas 1.000 habitantes, Carlos Barrabés explotou a súa experiencia e know-how no mundo da montaña e o esquí para ofrecer unha ampla gama de servizos aos seus consumidores a través de Internet. A Web, concibida orixinalmente como un catálogo online, deu paso a principios de 1999 a todo un portal de información e comunidade deportiva de montaña. Hoxe en día, as súas páxinas reciben 2.000.000 de consultas ao mes, e unha media de 7.000 visitas diarias non deixan lugar a dúbidas: Barrabes.com é o portal en lingua castelá líder absoluto en temas de outdoor e montaña en Internet.

Actualmente, Carlos Barrabés dirixe Barrabes Internet S.L. desde o seu establecemento en agosto de 2000 e é tamén o promotor de WALQA, centro de excelencia en Internet, localizado en Huesca. Este centro, que conta co apoio do goberno de Aragón e importantes socios tecnolóxicos tales como Microsoft, Cisco Systems, Intel, Hewlet Packard, BSCH, DHL e Telefónica Data, ten como principal obxectivo converterse nun polo de innovación e I+D, especialmente nas tecnoloxías da información, internet e comercio electrónico.