Estudou Arquitectura na Universidade da Coruña, e despois do primeiro ciclo continuou a súa formación como interiorista. A comezos da década de 2000, demostrou os seus dotes para o humor actuando en varias salas de España e gañando diferentes certames de monólogos. En 2005 montou o seu primeiro espectáculo, titulado "Un día horrible", e foi o coautor de “Gazapos”, unha obra representada por Manicómicos.
A súa timidez ante as cámaras non foi un obstáculo para presentarse aos cástings de "El Rey de la comedia", sendo seleccionado xunto a outros 19 finalistas dun total de 2000 aspirantes. O seu acento galego e as súas bromas sobre iogures ou comedores universitarios gustaron ao público, que o elixiu como vencedor da primeira edición do concurso.
A raíz da súa vitoria en "El rey de la comedia", en 2007 estreou o seu segundo espectáculo, "Imos deixarnos de hostias", e en 2008 o terceiro, “O día no que empecei a odiar os iogures e outras desgracias”. Ademais, en 2008 foi fichado por La Sexta para "Sé lo que hicisteis... ". En paralelo, mantén unha xira de actuacións en solitario e participa na comedia teatral "Contamos contigo".
En 2010 publicou na editorial compostelá Auga Editora publicou "Novidades, recordos, artigos de coña", prologado polo seu compañeiro de programa Ángel Martín e con ilustracións de Sergio Kozlov.
En 1994, iniciou a súa carreira profesional como bolseira do Parque Tecnolóxico de Galicia, entidade da que hoxe é súa Directora Xeral tras pasar por diferentes postos de responsabilidade. Licenciada en Ciencias Económicas e Empresariais, é Máster en Recursos Humanos pola Universidade Pontificia de Comiñas e a Universidade de Santiago de Compostela.
O director Técnico de Volumétrika Media cursou o Grao en Multimedia na UOC ( Universidade Oberta de Cataluña ) e na cal segue estudando e formándose en distintas áreas do multimedia aínda que sempre centrado na área que máis lle apaixona os gráficos 3D. O grao de Multimedia ten como obxectivo a formación de profesionais altamente cualificados e conectados co mundo das empresas e a industria multimedia; profesionais capaces de dirixir, realizar e producir proxectos que demandan coñecementos específicos sobre deseño e desenvolvemento de webs, usabilidade e deseño de interfaces, grafismo dixital 2D e 3D, animación, realidade virtual e vídeo na Rede.
Desde outubro de 2010, é a Directora Xeral de BIC Galicia, organismo da Xunta de Galicia. Maite Cancelo provén do eido universitario onde é profesora titula da Facultade de Ciencias Económicas e Empresariais. Foi Decana da Facultade de Ciencias Económicas e Empresariais e vicepresidenta da Conferencia Española de Decanos de Economía e Empresa (CONFEDE).
Presidente da Asociación Empresas Galega de Software Libre, membro da Xunta Directiva do Círculo de Xóvenes empresarios de Ourense e profesor externo no Máster en Consultoría de Software Libre da Universidade de Vigo , no ano 2004 funda Redegal S.L que é unha firma de desenvolvemento de software que ten a súa sede principal en Ourense, dirixindo un equipo de 14 enxeñeiros informáticos formados integramente na Universidade de Vigo e repartidos entre Galicia e Madrid.