|
JOSÉ RAMÓN FERNÁNDEZ ANTONIO
Economista pola Universidade de Santiago de Compostela e Programa de Alta Dirección de Empresas polo IESE da Universidade de Navarra.
Directivo do Grupo Auna (Retevisión e Amena), incorporouse en 1993 a Retevisión, onde desempeñou diversos postos directivos, entre os que cómpre destacar a Dirección de Planificación e Finanzas e a Dirección Financeira.
José Ramón Fernández Antonio foi, ademais, membro do Consello de Administración de diferentes empresas, entre elas a sociedade de capital risco Barcelona Emprén, Renfe, Feve e Metro Madrid.
Foi ademais Presidente da empresa de consultoría Oficina de Planeamiento, S.A., con sede na Coruña, e conselleiro-delegado da Sociedade Estatal de Plans de Viabilidade da Mariña Mercante, así como consultor de diversas empresas e entidades nos campos de planificación estratéxica, finanzas e control.
Desempeñou o cargo de director do Gabinete do Ministro de Transportes, Turismo e Comunicacións, e formou parte da Comisión de Expertos para a elaboración do informe sobre o Futuro do Ferrocarril en España.
|
Relatores 
